سینئر پی ٹی آئی رہنما امجد علی شاہ پی ٹی آئی میں دھڑہ بندی سے پریشان

سینئر پی ٹی آئی رہنما سید امجد علی شاہ غذر میں پارٹی دھڑہ بندی سے پریشان ہو کر بیان جاری کیا ہے۔ امجد علی شاہ نے پارٹی کے تمام عہدہ داروں اور ورکرز سے اپیل کی ہے کہ وہ اتفاق اور اتحاد کا مظاہرہ کرتے ہوئے الیکشن کی
تیاری پر توجہ مرکوز کریں۔ ان کا مزید کہنا تھا کہ
ہم صدارات اور قبل از وقت ٹکٹ کی باتیں کرکے کیوں آپس میں دوریاں پیدا کر ریے ہیں؟ پڑھی لکھی قوم یا افراد کا ان معملات میں جنگ و جدل سوائے دورئیاں پیدا کرنے اور نا اتفاقیوں کو جنم دینے کے سوا کچھ نہیں۔ ٹکٹ یاصدارات اگر ملے گی تو ہمارے ضلع کے ہی کسی حقدار بھائی کو ملے گا نا کسی دوسرے ضلع یا حلقے والے کو تو نہیں؟ ہم کیوں کسی بھی میدان میں ایک نہیں ہوتے ہیں؟ کیا غذر کے لوگ اسی طرح آپس کے معملات اور اختلافات میں الجھتے رہیں گے؟ کیا غذر کے حالات کو بدلنے کی یہ خواہش ماضی کی سیاسی تقاریر اور جھوٹے وعدوں تک محدود رہے گی؟ کیا سیاست صرف صدارات یا ٹکٹ حاصل کرنے کا نام ہے؟ اگر یہی سب کچھ ہے تو عوامی خدمت کہاں گئ؟ سوچو اور ذرا غور کرو بھائیوں۔ یہ غذر ہے یہاں نہ تو کوئی  یاسین والا ہے نا گوپس والا نا کوئی پنیال والا اور نا اشکومن والا یہ دھرتی کی پہچان صرف غذر کے نام سے ہوتی ہے۔